สํสาโรติ ฯ เถโร อาห อิธ มหาราช ชาโต อิธ มิยฺยติ อิธ มโต อญฺญตฺร อุปปชฺชติ
ตหึ ชาโต ตหึเยว มรติ ตหึ มโต อญฺญตฺร อุปฺปชฺชติ เอวํ โข มหาราช สํสาโร
โหตีติ ฯ อุปมํ กโรหีติ ฯ ยถา มหาราช โกจิเทว ปุริโส ปกฺกอมฺพํ ขาทิตฺวา อมฺพฏฺฐึ
โรเปยฺย โสปิ อมฺพฏฺฐิรุกฺโข มหนฺโต อสฺส ผลานิ ทเทยฺย ตโต โส ปุริโส อุมฺพปกฺกํ
ขาทิตฺวา อมฺพฏฺฐึ โรเปยฺย โสปิ รุกฺโข มหนฺโต อสฺส ผลานิ ทเทยฺย ปุริโม รุกฺโข
วิสชฺเชยฺย เอวํ รุกฺขานํ ปุริมโกฏิ น ปญฺญายติ เอวเมว โข มหาราช อิธ ชาโต
อิธ มิยฺยติ อิธ จุโต อญฺญตฺร อุปฺปชฺชติ ตหึ ชาโต ตหึเยว มิยฺยติ ตหึ มโต อญฺญตฺร
อุปฺปชฺชติ เอวเมว โข มหาราช สํสาโร โหตีติ ฯ กลฺโลสิ ภนฺเต นาคเสนาติ ฯ

สํสารปญฺโห นวโม ฯ

ราชา อาห ภนฺเต นาคเสน เกน อตีตํ จิรกตํ สรตีติ ฯ เถโร อาห
สติยา มหาราชาติ ฯ เอหํ โข ภนฺเต นาคเสน จิตฺเตน สริยติ โน สติยาติ ฯ
เถโร อาห อภิชานาสิ ตฺวํ มหาราช กิญฺจิเทว ปกรณํ กริตฺวา น สรสีติ ฯ
อาม ภนฺเตติ ฯ กินฺนุ โข มหาราช ตสฺมึ สมเย อจิตฺตโก โหสีติ ฯ น หิ ภนฺเต
นาคเสน สติ ตสฺมึ สมเย น โหตีติ ฯ สุฏฺฐุ เถโร อภินุโมทติ ฯ กลฺโลสิ ภนฺเต
นาคเสนาติ ฯ

จิรกตสรณปญฺโห ทสโม ฯ

ราชา อาห ภนฺเต นาคเสน สพฺพา สติ อภิชานโต อุปฺปชฺชติ อุทาหุ
กุฏุมฺพิกสฺส จ สตีติ ฯ เถโร อาห อภิชานโตปิ มหาราช กกุฏุมฺพิกสฺส สตีติ ฯ เอวํ
หิ โข ภนฺเต นาคเสน นเหวํ สพฺพา สติ อภิชานโต นตฺถิ กุฏุมฺพิกสฺส สตีติ ฯ
ยทิ มหาราช กุฏุมฺพิกสฺส สติ นตฺถิ กิญฺจิ สิปฺปฏฺฐาเน กมฺมฏฺฐาเน วิชฺชฏฺฐาเน กรณียํ
นิรตฺถกา อาจริยา ยสฺมา จ โข มหาราช อตฺถิ กุฏุมฺพิกสฺส สติ ตสฺมา สิปฺปฏฺฐาเน
กมฺมฏฺฐาเน วิชฺชฏฺฐาเน กรณียํ อตฺโถ อาจริเยหีติ ฯ กลฺโลสิ ภนฺเต นาคเสนาติ ฯ

สติอภิชานนปญฺโห เอกาทสโม ฯ

ฉฏฺโฐ วคฺโค ฯ

สตฺตมวคฺโค

ราชา อาห ภนฺเต นาคเสน กตีหิ อากาเรหิ สติ อุปฺปชฺชตีติ ฯ เถโร
อาห สตฺตรสหิ อากาเรหิ มหาราช สติ อุปฺปชฺชติ อภิชานโตปิ มหาราช สติ อุปฺปชฺชติ
กุฏุมฺพิกายปิ สติ อุปฺปชฺชติ โอฬาริกวิญฺญาณโตปิ สติ อุปฺปชฺชติ หิตวิญฺญาณโตปิ สติ
อุปฺปชฺชติ อหิตวิญฺญาณโตปิ สติ อุปฺปชฺชติ สภาคนิมิตฺตโตปิ สติ อุปฺปชฺชติ วิสภาค-
นิมิตฺตโตปิ สติ อุปฺปชฺชติ กถาภิญฺญาณโตปิ สติ อุปฺปชฺชติ ลกฺขณโตปิ สติ อปฺปชฺชติ
สรณโตปิ สติ อุปฺปชฺชติ มุทฺธโตปิ สติ อุปฺปชฺชติ คณนาโตปิ สติ อุปฺปชฺชติ ธารณโตปิ
สติ อุปฺปชฺชติ ภาวนาโตปิ สติ อุปฺปชฺชติ โปฏฺฐกนิพนฺธนโตปิ สติ อุปฺปชฺชติ
อุปนิกฺเขปนโตปิ สติ อุปฺปชฺชติ อนุภูตโตปิ สติ อุปฺปชฺชตีติ ฯ กถํ ภนฺเต อภิชานโต
สติ อุปฺปชฺชตีติ ฯ ยถา มหาราช อายสิมา อานนฺโท ขุชฺชุตฺตรา จ อุปาสิกา ชาตึ
อนุสฺสรนฺติ เย วา ปนญฺเญ เกจิ ชาติสรณกา ชาตึ สรนฺติ เอวํ อภิชานโต สติ
อุปฺปชฺชตีติ ฯ กถํ ภนฺเต กุฏุมฺพิกาย สติ อุปฺปชฺชตีติ ฯ ปกติยา มหาราช มุฏฺฐสติโก
โหติ ปเร จ ชนา ภนฺฑํ พนฺธนฺติ เตน เตน สรติ เอวํ กุฏุมฺพิกาย สติ
อุปฺปชฺชตีติ ฯ กถํ โอฬาริกวิญฺญาณโต สติ อุปฺปชฺชตีติ ฯ ยถา มหาราช รชฺเช อภิสิญฺจิโต
วา โหติ โสตาปตฺติผลปฺปตฺโต วา เอวํ โอฬาริกวิญฺญาณโต สติ อุปฺปชฺชตีติ ฯ กถํ
หิตวิญฺญาณโต สติ อุปฺปชฺชตีติ ฯ ยมฺหิ สุขาปิโต โหติ อสุกสฺมึ สุขาปิโต สรติ เอวํ
หิตวิญฺญาณโต สติ อุปฺปชฺชตีติ ฯ กถํ อหิตวิญฺญาณโต สติ อุปฺปชฺชตีติ ฯ ยมฺหิ
ทุกฺขาปิโต โหติ อสุกสฺมึ ทุกฺขาปิโต สรติ เอวํ อหิตวิญฺญาณโต สติ อุปฺปชฺชตีติ ฯ
ทุกฺขาปิโต โหติ อสุกสฺมึ ทุกฺขาปิโต สรติ เอวํ อหิตวิญฺญาณโต สติ อุปฺปชฺชตีติ ฯ
กถํ สภาคนิมิตฺตโต สติ อุปฺปชฺชตีติ ฯ สทิสกํ ปุคฺคลํ ทิสฺวา มาตุ วา ปิตุ วา
ภาตุ วา ภคินิยา วา สรติ โอฏฺฐํ วา โคณํ วา คทฺรภํ วา ทิสฺวา สรติ เอวํ
สภาคนิมิตฺตโต สติ อุปฺปชฺชตีติ ฯ กถํ วิสภาคนิมิตฺตโต สติ อุปฺปชฺชตีติ ฯ นามํ
อสุกสฺส เอทิโส วณฺโณปิ คนฺโธปิ รโสปิ โผฏฺฐพฺโพปิ สรติ เอวํ วิสภาคนิมิตฺตโต สติ
อุปฺปชฺชตีติ ฯ กถํ กถาภิญฺญาณโต สติ อุปฺปชฺชตีติ ฯ ปกติยา มุฏฺฐสติโก โหติ ปเรปิ
สราเปนฺติ เต สรติ เอกํ กถาภิญฺญาณโต สติ อุปฺปชฺชตีติ ฯ กถํ ลกฺขณโต สติ